Poems

Mejentsamek anamrukia

Aya mejentsamek anamrukia wakanchirmijai
wenechirui mejentsakia
ewejrum wincharpatniujai intiashur atirturia
aya uwejmijai sekuta kunkunti nekartuakia
piskatruinia aya makich atirturia
kajkeruinia shakap jurutsakia
misuch ajasan aya amin nakajme
 
Jearui pujuskia
újumachik aámuram peertusia
sapijmiamur aesturakia
ame sejkiram keamujai
 
Wekamur aéntruria
ame papanrumi kanaitirijai
entsa supichik ana nui weanturkakia
kanu anunteiri naikmiti
 
Mejentsamek anamrukia
nijiamanch nawamujai
nuya sawini tseasmakmajai
Arutma nekamteirijai
 
Arant tupanteip enenteichirua
shintiartasan wakerajai
ewejchiram tujucha anin nui
winchuman
initrum achiakmena nui
jichirmin kaya ainis anin nui, kanaran juaktasan ku wakerajai