Guete’, guete’ biaba’, sica ndaani’ ti bizé yuxi cadá yuuba’ ndaani’, cadi nisa, dxi naa biree xquidxe’. Ladxiduá’ riuuba’ casi guibane’ ne guyadxie’ ra zuhuaa; xiñee nuaa’ xquidxi binni –rabe’ ndaani ladxiduá’– ne ma’ zigatá’ zigaze’ lu xluuna’ xtobi qué ganna’ tu laa.
We hope to have the original poem in Zapotec shortly.
Ti diidxa’, ti diidxa si, ti diidxa’ si ñapa’ lu bata naya’, ndaani’ xquendabiaane’, ndaani’ ladxidua’ya’. Ti diidxa’ si ñabe liii lu gueela’, ra nibáninu siadó’ guie’ru’, ne riuunda’ sti’ guirá’ mani huiini’, lu ca yaga nuu Lahuoyaga. Ti diidxa’ si, ti diidxa’ ma’ biaanda’ naa.
Qui zunihuarálu' naa. Qui zaguza diou' xquendanabane'. Naro'ba' yu'du' biaani' bisananelu' naa, nanaadxi' ne nayeche'. Xadxípe' bisindá'naxhilu' bi stinne', xadxípe' guleezalu' naa lade ca za ne xidxaa guidiládilu'. Racaditi ru' ca naya' guietenala'dxica' beelaxiaa dxitaxa'nalu'. Ricaala'dxiru' guidiruaa' runi guiropa' rii dxiñabizu xi'dxu'. Paraa chiguniná guendarietenala'dxi' naa ya'. Paraa, neca zelu', gácananaladxe' lii ya'. Ti nisadó' […]
Biete bi. Lu neza gui'chi' ne bacuela nanda saaca' ne xiana. Ruguubeedxe' ca yoo, ridopa cuuxhu' bi'cu'. Daabi ti xiixa bicuininá' huadxí ri', ti guichi guluxu, ti guiiba' tini. Nuu tu laa gudu'ba' xhaata' gueza guibá', bisaana ni naté, nagu'xhu'. Xaguete' ri' guiruti' nibeezá xpandá', guirá' zeguyoo ra lidxi cugaba' xquenda zí'. Caxidxi zinña, laaca […]
I Guendaranaxhii zeedayaca casi ti xiixa nanaa ni qui zanda guá' binni xadxí ne qui quiba' dí ra yanni. II Guendaranaxhii zeedayaca casi ti lúdxibele ruaa gui'ri', casi gubidxa rihuinni guibá', zadu'yanu ziyuí', málasi guibani, zadu'yanu zié ne zeeda. III Guendaranaxhii dxiña yaga nga laa, niidxi zee guladi' telayú, niidxi zee ruxooñe' […]
Nutaabi yuuba' guendarietenala'dxi' ladxiduá' cue' lindaa huadxí te di'. Nuu tu zuba caguiba xquendanayeche' xa'na' yaga baca'nda' xti' ti guendaranaxhii la? Guidxilayú ri' naca ti dxia naro'ba' qui gapa xhibia' candaabi' lu xté diuxi. Binidxaba' canaguyaa lu neza laga ti bi'cu' nagola zixupila'na' xcuaana' gundagaa guete'. Gudaabi' ladxiduá' bi sisi, gudaa ti bacaanda' do' ndaani' […]
Ndaani' batanaya' cayó huadxí ri': mani' té bilaa runi ma' bio'xho', mani' guude, mani' biidi'. Nexhe' ti neza lase' deche dani rihuinni rarica', lubí chonna bayu' quichi' ruluí' zeca', zeca' cuzabinaca' luá'. Nugaanda guendaribana' xquixhe ndaani' ladxiduá', ne guendananala'dxi' cutuxhu lugu' xquiiba'. Rietetí layú rarí', layú guichi, layú guie. Guxhu' ne za rihuinni, za, gu'xhu' […]
Neegue’ ca nga sica ti xcuidi nacu ti neza lari cubi xquendaranaxhiee’. Neegue’ ca nga rilué’ xquiibalé yu’du’ ze’ ne zeeda cabidxi yeche’ mixa’. Yanna nuaa’ sica ti binidxaapa’ bida’na’ ne qui nuxooñenécabe laa, sica ti gubidxa bidé xiaga ni gatigá rindisa bi rucheeche laa.
Yudé cuyaa galaabato' ná' tapa neza. Ca yaga nagá' caguíteca' tu jmá naguudxi deche. Ladxiduá' nexhegaa lu luuna' cabeza lii. Bezaluá' zuba, rinaaze' bi guichaíque, zuba, cugaba' panda bihui culaa xii ti xcuidi zubaxuuna'. Laga lii ya', xi cayuni ndou' nagasi. Nannu' xiinga guendaribeza ti gunaa gueeda guxhídxiná' lu gande iza xtí' ti badunguiiu la? […]